Иран салтанаттуу түрдө өлкөнүн биринчи бомбардировщиги - Өлүмдүн Элчиси.
Презентация учурунда Иран президенти Махмуд Ахмадинежад сөз сүйлөп, жаңы аппаратты Өлүмдүн Элчиси деп атады. Мамлекет башчы адамзаттын душмандары Иранга каршы чабуул тууралуу ойлонууну токтотмойунча, адистер аскердик индустрияны интенсивдүү түрдө өнүктүрүшөрүн айтты.
Иран маалымат каражаттарынын жазышынча, Karar (Attacker) пилотсуз учагы алыскы аралыкта бутага алуу үчүн иштелип чыккан. Ал 1000 километрге чейинки объектти көрүп, чабуул жасайт, кубаттуу турбожет кыймылдаткычтары бар, саатына 900 км ылдамдыкка жете алат жана ар кандай ок-дарыларды алып жүрүүгө жөндөмдүү.
"Учак адамзаттын душмандары үчүн өлүмдүн кабарчысына айланат, бирок бардык элчилер сыяктуу эле анын негизги максаты - тынчтык менен достуктун билдирүүсү", - деди Иран президенти.
"Биз адамзаттын душмандары биздин өлкөгө аскердик басып кирүүдөн үмүтүн үзмөйүнчө, биз бардык мүмкүн болгон ыкмалар менен коргонуу жөндөмүбүздү жакшыртабыз", - деди Махмуд Ахмадинежад.
Белгилей кетсек, Иран 1980 -жылдардын аягынан бери учкучсуз учакты иштеп чыгуу жана чыгаруу менен өз алдынча алектенип келет.
Мурда маалымдалгандай, Иран 20-августта жер-жер жаңы ракетасын ийгиликтүү сынаган. Ал эми эртеси эле Бушер АЭСи ишке киришти.
