Кытай армиясы акыркы бешинчи муундагы истребителди сыноодон өткөрдү. Жергиликтүү жаңылыктар сайтында ышкыбоз фотографтар тарткан учактын асмандагы биринчи сүрөттөрү пайда болду.
163.com маалымат порталы жарыялаган сүрөттөрдө истребитель узартылган бойдон учуп баратат. Бул J-20 деп аталган учактын сүрөттөрү басма сөздө биринчи жолу пайда болгон жок, бирок азырынча расмий сүрөттөр чыга элек.
Мурда болгон сүрөттөрдө J-20 унаа токтотуучу жайда, ошондой эле Кытайдын Сычуань провинциясынын Чэнду шаарындагы заводдун аэродромунун учуп-конуу тилкесинде тартылган. Анын биринчи сүрөттөрү былтыр декабрда пайда болгон жана алардын баары сапаты начар болгонун РИА Новости жазып чыкты.
Сүрөткө тартылган учактын чындыгын авиация адистери тастыкташты. Кошумчалай кетсек, жаңы кытайлык истребителдин бар экенин АКШнын коргоо министри Роберт Гейтс тастыктады. Ал Кытайга сапарынын алдында америкалык журналисттер менен болгон баарлашуу учурунда учак тууралуу айткан.
